Мұқағали Мақатаевтың (1931-1976) туғанына 91 жыл

9 ақпан күні қазақтың ақиық ақыны, қара өлеңнің қасиетін ұғындырған Мұқағали Мақатаевтың (1931-1976) туғанына 91 жыл толып отыр. Соған орай, №7 орта мектепте қазақ тілі мен әдебиеті пәнінің мұғалімі Нуртухан Аянар 7 сынып оқушыларымен ақиық ақын М.Мақатаевтың туған күніне арналған дөңгелек үстел өткізді. Аталмыш іс-шараның мақсаты М.Мақатаевтың өмірі мен еңбектерімен танысу, ақын поэзиясының оқушылар арасында кең таралуына ықпал жасау. Іс-шарада оқушыларға Мұқағалидың өлеңдері, өмірі жайлы бейнеролик көрсетілді. Оқушылар іс-шараға өздері білетін ақиық ақынның өлеңдерін жатқа айтып берді. Іс-шара соңында оқушылардан берілген ақпаратқа сай тест тапсырмалары алынды.